KFC 火鍋配料要識揀　芝士竹輪超邪惡！

KFC將推日式火鍋！兩款火鍋將會於9月1日起，在灣仔298電腦特區分店推出。想試一試又怕肥？TOPick訪問了註冊營養師潘仕寶，教大家如何食得健康！

1. 「關西風味牛肉鍋」VS「和風海鮮湯鍋」

▲ 關西風味牛肉鍋。相片來源：KFC

▲ 和風海鮮湯鍋。相片來源：KFC

根據KFC資料，兩款火鍋湯底均以日本「大多福」出品的醬汁製作，「關西風味牛肉鍋」會帶有木魚、鰹魚的鮮味，而「和風海鮮湯鍋」則有鮮蝦味。

至於配料方面，「關西風味牛肉鍋」主打牛肉，配上蔬菜及豆腐；和風海鮮鍋則配青口及大蝦。

湯底同樣都是鈉含量高，最好不要喝。不過有青口、大蝦的海鮮鍋比牛肉鍋健康，因為牛肉的脂肪會溶化在湯中，比海鮮肥膩。

【延伸閱讀】KFC決戰吉野家 牛肉火鍋配料邊間抵食？

2. 配料點揀先健康？

除了火鍋基本配料，亦有一系列追加配料，以下分為健康及邪惡之選：

健康之選：

• 火鍋蔬菜包
• 韓國烏冬
• 白菜豬肉水餃
• 厚切蕃茄

邪惡之選：

• 芝士竹輪卷
• 出前一丁即食麵
• 仿蟹棒
• 魚豆腐
• 芝士雞尾腸
• 油揚（油炸豆腐片）

邪惡之選的配料，大致都是高鈉的加工食品，如芝士竹輪卷、芝士雞尾腸等，亦有經油炸的食物，如即食麵、魚豆腐、油揚。

【延伸閱讀】10小辣VS酸辣 譚仔米線點食最健康？

3. 烚菜先？烚肉先？

因為蔬菜、烏冬都易吸油，應該先烚熟撈起，之後才烚較肥膩的肉類。

打邊爐到最後，不少人愛用湯撈飯吃，但其實此時湯底含大量動物脂肪，加上高鈉，減肥人士實在應該忍手忍口，不要自制泡飯。

另外，火鍋套餐會亦會附送汽水，可選較健康的無糖汽水。

【其他熱話】星巴克星冰樂有幾甜？飲一杯跑步1小時消脂

【其他熱話】上水公屋大改造　260 呎可住8個人

【其他熱話】熱爆金魚仔餅　 「贈送」檐蛇嚇餐死！